Mos uniteti dhe përçarjet e mëdha ndërpartiake në Luginë të Preshevës, rreth zgjedhjeve parlamentare në Serbi, ka nxitur shoqërinë civile, të paraqitet me kandidat të pavarur.
Shoqëria civile duke parë ndasitë e thella politike të spektrit politik shqiptar dhe rrezikun e mbetjes së shqiptarëve pa përfaqësues legjitim në parlamentin republikan, ka vendosur të dalë me listë të përbashkët e cila do të titullohet: “Lista shqiptare për ardhmërinë e Bujanocit, Preshevës dhe Medvegjës”.
Shoqëria civile, gjatë këtij vikendi, do ta bëjë publik emrin e prijësit të “Listës shqiptare për ardhmërinë e Bujanocit, Preshevës dhe Medvegjës”, njofton Agjencia e Lajmeve Kombëtare Tërnoci Press.
