Shkolla “17 shkurti” feston 5 vjetorin e saj

Kamenicë – Në këtë përvjetor të pestë të shkollës fillore “17 Shkurti” edhe këtë vit nuk munguan përgatitjet, recitime të poezive nga nxënësit dhe të shoqëruara me valle. Për nder të shënimit të pesëvjetorit të saj, nuk munguan as institucionet e Komunës ku në këtë përvjetor ishte prezent Drejtori për Arsim Agim Shkodra, Kryesuesi i Kuvendit Komunal Bajram Dermaku etj.

Drejtori për Arsim në Komunën e Kamenicës, Agim Shkodra ka përshëndetur të pranishmit dhe ka uruar për pesë vjetorin e shkollës.

Drejtori i kësaj shkolle, Fahredin Keka ka folur para të pranishmëve për historikun e kësaj shkolle.

“Shkolla shqipe në fshatin Muçiverc për herë të parë është hapur ne vitin 1948-9, ku si mësues i parë ishte Shaban Zylfiu nga Kopernica i cili kishte mbledhur afër 50 nxënës të rinj dhe të reja për ta vazhduar mësimin në gjuhen shqipe” tha asi.

Sipas tij mësimi zhvillohej në kushte tejet të vështira në mejtepin e xhamisë i cili vazhdoj deri në vitin 1954 pastaj u ndërtua shkolla fillore dyklasëshe e cila punoi deri në vitin 2004 ku për fat të keq e kishte kapluar zjarri, me ç’rast u pamundësua mësimi në të dhe nxënësit vazhdonin mësimin në ambulancën e fshatit në kushte tejet të vështira, deri në ngritjen e objektit të ri shkollor i cili u ndërtua me kontributin e UFORK-ut dhe agjencisë Evropiane për Rindërtim komunës dhe kontributit të qytetarëve nga diaspora e lokaliteti i fshatit Muciverc.

“Sot kur kremtojmë ditën e shkollës “17 Shkurti” na kujton ditën e madhe të 17 Shkurtit 2008, ditën e shpalljes së pavarësisë së Kosovës, atë ditë ku Kuvendi i Kosovës shpalli Kosovën shtet të pavarur dhe demokratik, andaj jemi të privilegjuar që shkolla jonë mban emrin 17 Shkurti” tha në fjalën e tij, drejtori i shkollës Fahredin Keka./rajonipress/