Shkodra : AKR-ja në Gjilan mbetet e konsoliduar

Gjilan – Anëtarja e Kryesisë së AKR- së në Gjilan, Mimoza Shkodra tha për rajonipress se nga 23 anëtar sa i ka kryesia e degës së AKR-së në Gjilan vetëm pesë prej tyre janë që janë larguar. Shkodra tha se të gjithë e kanë ndier vetën keq me situatën e fundit që u krijua pas largimit të Omer Dakut.

Mimoza Shkodra është e vetmja që ka pranuar të flas për zhvillimet brenda degës së AKR-së në Gjilan. Shkodra anëtare e kryesisë tha për rajonipress se dega e AKR-së në Gjilan edhe pas largimit të Omer Dakut vazhdon të mbetet e konsoliduar.“Në fakt është mirë të dijë opinioni se nga 23 veta sa i ka kryesia e AKR-së në Gjilan vetëm pesë prej tyre janë larguar në shenjë pakënaqësie” tha Shkodra.

Shkodra tha se të gjithë e kanë ndier vetën keq me atë që ndodhi , por puna e AKR-së vazhdon tutje dhe ne jemi të përgatitur të përballemi me sfidat. Shkodra tha se Faton Bislimi mbetet vetëm ofertë për kandidatë për kryetar të Gjilanit por jo në udhëheqje të AKR-së.

Shkodra tha se dega e AKR-së në Gjilan është kompakte dhe është e rreshtuar pas vendimit të Presidentit Pacolli. “Ne jemi shumë të përkushtuar për zgjedhjet e nëntorit dhe hyjmë me synimin për fitore. Çdo informacion për përçarje brenda degës në Gjilan është i pavërtetë. Ne sot patëm takim me Presidentin dhe u dakorduam bashkërisht me konsensus të plotë që të hyjmë fuqishëm në garë për fitore në Gjilan. Ne e kemi një Degë shumë të konsoliduar dhe me mbështetje të madhe tek qytetaret dhe kështu do të ecim përpara”, ka thënë Shkodra.

Ndryshe sipas burimeve të rajonipressit anëtarët e kryesisë që janë larguar në shenjë pakënaqësie pos Omer Dakut janë edhe Luan Kastrati, Xhafer Xhelili, Sadri Daku dhe Behar Mehmeti./rajonipress/