Shkelzen Gashi, heroi i ditës në superligë, shënon het-trik

Futbollisti shqiptar, Shkelzen Gashi ka qenë „trimi i ditës“ në ndeshjen në mes të Grasshoppers-it të Cyrihut dhe Sionit. Në ndeshjen që cyrihasit e kanë fituar me rezultatin 4:2, futbollisti i kombëtares së Shqipërisë ka shënuar jo më pak se tre gola.

Dy golat e parë ai i ka shënuar në minutat 23 dhe 29. Një gol të tretë për GC e ka shënuar Dabbur në minutën e 67 me çka ekipi nga Cyrihu siguronte avantazhin.

Por, edhe njëherë vjen në skenë Gashi. Në minutën 80 ai shënon nga penalltia dhe vulos rezultatin 4 me 2 për Grasschoppers të Cyrihut.

Me këtë fitore, GC është ngjitur në vendin e dytë të superligës së Zvicrës. (sda)./albinfo.ch/