Shënojnë Kasami dhe Neziraj

Mesfushori tetovar, Pajtim Kasami dhe ai shqiptar, Haxhi Neziraj, kanë arritur të shënojnë gola në ndeshjen e fundit të skuadrës së tyre, Luzern në Superligën zvicerane të futbollit.

Skuadra e shqiptarëve shënoi fitore në udhëtim te Servette me rezultat 4:3. Ish-mesfushori i Fulhamit, Kasami shënoi golin e tretë për skuadrën e tij për ta barazuar rezultatin në 3:3, ndërsa luajti edhe për 90 minuta.

Ndërkohë futbollisti i ri i Kombëtares U21 të Shqipërisë, Neziraj është futur në lojë në minutën e 63-të, për t’ia siguruar fitoren skuadrës së tij, pasi shënoi gol në minutën e fundit të ndeshjes. Në këtë takim si titullarë luajti edhe Jahmir Hyka, që ishte i pranishëm në fushë për 81 minuta.