Shënohet dita e mobilizimit të dhunshëm në Tërnoc

Sot, në Bujanoc, në Restorantin “Dyzeldorf”, në mënyrë institucionale u shënua dita e mobilizimit të dhunshëm, gjatë fushatës ajrore të NATOS-s në Serbi.

Në këtë përvjetor në të cilin merrnin pjesë përvec Këshillit Organizativ, në krye me të parin e të mobilizuarëve vullnetarë Nexhmedin Saqipi me bashkëpunëtorë, ishte i pranishëm edhe kryetari i Komunës së Bujanocit Nagip Arifi dhe vëllai i dëshmorit të kombit Komandat Lleshit, Izet Qazimit.

Në këtë përvjetor u evokuan dhe u rikujtuan ngjarjet e tmerrshme para 23 vitesh (23 e 24 prill të vitit 1999), kur në Tërnoc, Ushtria ish jugosllave beri dëbimin nga shtëpitë e tyre me dhunë, duke u dërguar te vendi i quajtur “Zidi” mbi Tërnoc, pa dallim moshe e gjinie: fëmijë, pleq, gra e burra, të sëmurë e të paralizuar, si dhe shpërndarjen e ftesave për mobilizimi të dhunshëm gjatë fushatës ajrore të NATO-s.

Në fund të këtij përvjetori u shtrua një iftar nga kryetari i Komunes Dr. Nagip Arifi si dhe për pjesëmarrësit u shpërndan Mirënjohje, nga Këshilli Organizativ, në krye me Nexhmedin Saqipin, njofton Jetapress.