Shaqiri, shpëtim për Allegrin

Trajneri i Juventusit, Massimiliano Allegri nuk po mund të manovrojë shumë me formacion, shkaku i mungesës së një futbollisti që luan në rrolin e “playmaker-it”.

Por, strategut italian këtë problem pritet t’ia evitojnë drejtuesit e klubit, të cilët tashmë po e shqyrtojnë mundësin e gjetjes së një lojtari që i posedon cilësitë e duhura për ta kryer këtë detyrë në fushë.

Sipas mediave italiane, Xherdan Shaqiri është opsioni kryesor i gjigantit italian, shkruan Zëri.

Sipas mediave përtej Adriatikut, klubi nga Torino do të mundohet ta transferojë gjatë afatit kalimtar të janarit 23 vjeçarin nga Bayern Munich, ku nuk po gjen hapësirë të mjaftueshme për të luajtur./Zëri/