Mbrojtësi më i vlerësuar në Itali, Amir Rrahmani lë mbrapa të gjithë – Në mesin e më të mirëve edhe Berat Gjimshiti
RajoniPress
16:13, 23 Prill, 2025
| 4 javë më parë
Amir Rrahmani është mbrojtësi më i vlerësuar në Serie A dhe këtë e thonë më së miri notat e tij gjatë gjithë këtij sezoni.
Qendërmbrojtësi dardan është lider në mbrojtjen e Napolit dhe po lufton me këtë skuadër për titullin e kampionit në Itali.
SofaScore ka publikuar top 10 qendërmbrojtësit më të vlerësuar në Serie A, apo që kanë një notë mesatare më të mirë gjatë gjithë sezonit.
Në krye të listës ndodhet Amir Rrahmani, me kapitenin e Kosovës që është më i vlerësuari me notën 7,23.
Menjëherë pas Rrahmanit është Alessandro Bastoni i Interit me notë 7,21, derisa Alessandro Buongiorno i Napolit vlerësohet 7,16.
Në pozitën e katërt është Berat Gjimshiti, me mbrojtësin e Kombëtares së Shqipërisë që vlerësohet deri më tani me notën 7.08 aq sa e ka edhe Vasquez i Genoas.
Top 10 mbrojtësit në Itali janë edhe Mario Gila i Lazios, Evan N’Dicka i Romës, Yerry Mina i Cagliarit, Federico Gatti i Juventusit dhe Enrico del Prato i Parmës. /Telegrafi/
