Shabani: Së bashku mund të ndërtojmë një sistem më të sigurt dhe më të qëndrueshëm

Gjilan – Drejtori për Mbrojtje dhe Shpëtim, Enver Shabani, tregon se mbrojtja dhe shpëtimi kërkojnë gatishmëri, profesionalizëm dhe koordinim të vazhdueshëm.

Ai premtoi angazhim që me përkushtim të plotë, transparencë dhe bashkëpunim të ngushtë me institucionet përkatëse, të punojnë për forcimin e kapaciteteve, për parandalimin e rreziqeve dhe për reagim të shpejtë e efikas në çdo situatë emergjente.

“Do të jem i hapur për bashkëpunim, që dëgjon, vlerëson punën në ekip dhe që vendos interesin e qytetarit mbi çdo gjë tjetër. Besoj fuqishëm se vetëm së bashku mund të ndërtojmë një sistem më të sigurt dhe më të qëndrueshëm për të gjithë”, tha Enver Shabani.

Drejtori për Mbrojtje dhe Shpëtim, falënderoi për besimin dhe mbështetjen e dhënë, duke premtuar se do ta ushtroj detyrën me ndershmëri, përgjegjësi dhe përkushtim maksimal./rajonipress/