Selimi: Jemi Vetëvendosje, s’jemi AAK

Deputeti i Lëvizjes Vetëvendosje, Rexhep Selimi, i ka thënë sekretarit të përgjithshëm të AAK-së, Blerim Ramdani, se kjo lëvizje nuk është si Aleanca.

“Nuk i mbështesim PDK-në e as Qeverinë në negociata me Serbinë. Nuk kemi nënkryetar të paguar nga Qeveria si koordinatorë në negociata me Serbinë.Nuk i votojmë Qeverisë ligjet diskriminuese në Kuvend sikur ai i Hoqës dhe i Qendrës Historike të Prizrenit. Nuk i kemi votuar ratifikimet e marrëveshjeve të dëmshme me Serbinë. Nuk kemi asnjë koalicion me PDK-në në asnjë komunë”, ka thënë Selimi.

Sipas tij, po sikur AAK-ja të ishte si Vetëvendosja, Qeveria e drejtuar nga Hashim Thaçi do t’i takonte të kaluarës.

Selimi ka vlerësuar se Qeveria mund të ndihej komode po sikur të mos ekziston Vetëvendosja. /Epoka e re/