Seferi: E turpshme, e patolerueshme dhe diskriminuese

Vendimin skandaloz të UEFA-s e ka komentuar edhe boksieri i njohur shqiptar, Nuri Seferi, i cili ndër të tjera ka shkruar: “I dëshpëruar nga ky vendim mjaft kontraverz i UEFA-s edhe pse i pritur deri diku, por jo deri në këtë masë.

Jemi mësuar me vendime të tilla të kësaj Evrope lavire, e cila në momentet vendimtare ia ka kthyer shpinën Shqipërisë dhe kombit shqiptar. Ky vendim vjen edhe si dhuratë e këtyre udhëheqësve tanë, që më shumë merren me njëri-tjetrin se sa me çështjen kombëtare, që thuajse e kanë harruar.

Dua një mobilizim shumë të fortë të gjithë kombit shqiptar në krye me liderët tanë që të kundërshtojmë fuqishëm këtë vendim të padrejtë deri në atë moment kur drejtësia do ta thotë fjalën e duhur. Në të kundërtën, UEFA në krye me kriminelin Platini duhet t’i bëjnë llogaritë mirë se si do ta sjellin Serbinë në Shqipëri dhe u premtoj që nëse nuk bie poshtë, ky vendim atëherë, serbët bashkë me UEFA-n do ta përjetojnë shumë më keq se sa e mendojnë udhëtimin në Shqipëri”./Arena/