Së shpejti libri për fëmijë “Macja Arta”, e autorit Arben Kurteshi

Gjilan – Arben Kurteshi ka bërë një emër të njohur në krijimtarinë e tij artistike tashmë i njohur si poet e krijues i shumë mërgimtarëve dhe të tjerëve që me kënaqësi lexojnë poezitë dhe tregimet e tij. Së fundit Arben Kurteshi është përkujdesur më shumë për dëshirat dhe zemrat e shumë fëmijëve, duke ofruar para lexuesve librin e titulluar “Macja Arta”.

Arben Kurteshi tashmë e ka sprovuar vetën në poezi e tregime për të rritur dhe fëmijë dhe është treguar i suksesshëm, meqë ka numër të madh të adhuruesve anekënd trojeve shqiptare, ndërsa më shumë pëlqehet në Shqipëri, Kosovë e kudo që ndodhen shqiptarët.

Kurteshi ka bërë një punë brilante në fushën e krijimtarisë poetike, letrare e artistike, duke u treguar një misionar dhe vizionar për të ardhmen.

Poezitë e Arben Kurteshit ashtu sikurse mesazhet e tij vazhdojnë të prekin zemrat e shumë mërgimtarëve, vazhdojnë ta ngacmojnë ndjenjën e çiltër, e të pastër të shumë krijuesve anembanë trojeve shqiptare.

Arben Kurteshi vazhdon të ofroj poezi brilante dhe vazhdon të jetë poet i madh. Kurteshi mbetet vlera më e ëmbël e krijuesve mërgimtar sepse ai eci vetëm, pa ndihmën e askujt..por mbrapa e kishte lexuesin e vëmendshëm, e të dashur që e ndoqi kudo që ishte.

Tani, Arben Kurteshi duke dashur e respektuar fëmijët ka zgjedhur që pikërisht atyre në këtë fillim vit tua dhurojë një libër që e ka titulluar “Macja Arta”.

Libri për fëmijë është një trilogji “MACJA ARTA” e cila ofron një botë unike ku realiteti përzihet me magjinë, me karaktere të fuqishme dhe aventura dinamike që pasqyrojnë betejën mes zgjuarsisë dhe dinakërisë.

Lexuesi mëson mësime mbi guximin, drejtësinë dhe rëndësinë e ndihmës, ndërsa shijon një rrëfim plot mistere dhe imagjinatës.

Nga këta tregime mëson se zgjuarsia dhe guximi gjithmonë fitojnë thuhet në parathënien e librit që pritet të dal së shpejti./rajonipress/