Samuel Zhbogar për ​ngërçin politik: Jepni fund më

Përfaqësuesi Special i BE’së në Kosovë, Samuel Zbogar, u thotë partive që t’i japin fund ngërçit politik dhe që të ofrojnë zgjidhje në seancën e së enjtes. Përfaqësuesi Special i BE’së në Kosovë, Samuel Zbogar ka thënë sot në Prizren se partitë politike kosovare duhet t’i japin fund ngërçit politik dhe në mbledhjen e Kuvendit të Kosovës, që është caktuar për të enjten, të ofrohen zgjidhje.

Ai tha se zgjedhjet e fundit kanë qenë demokratike, ku populli ka dhënë votën e tij dhe tani është koha që politikanët të reflektojnë lidhur me krijimin e institucioneve të reja.

Për dorëheqjen e gjyqtarit amerikan, Robert Carolan, nga Gjykata Kushtetuese e Kosovës, Zbogar tha se ai është informuar për këtë vendim të këtij gjykatësi, i cili, sipas tij, një gjë të tillë e ka bërë për shkaqe personale.

Ai shprehu besimin se do të ndiqen të gjitha procedurat e mëtejmë ligjore për zëvendësimin e Carolan.

Përfaqësuesi Special i BE’së në Kosovë, Samuel Zbogar, këto deklarata i bëri sot pas takimit që pati me pjesëtarë të shoqërisë civile, të cilët ia shprehen atij shqetësimet e tyre lidhur me degradimin e Qendrës Historike të Prizrenit. / RTK/