Sadiku: Faleminderit Kosovë

Njëri ndër më të mirët në fushë të Përfaqësueses së Kosovës ndaj Haitit, Loret Sadiku, ka falënderuar popullin kosovar përmes faqes së tij të sapo-hapur në rrjetin social ‘Facebook’. “Jam i habitur! Çdo fjalë është e tepërt! E dija se çdo gjë do jetë fantastike dhe e paparë.

Pritjen e juaj të ngrohtë kaherë e kam pritur, kështu që përmes këtij shkrimi përmes faqes time desha të ju falënderoj edhe njëherë përzemërsisht të gjithëve për mbështetje. Duke filluar nga tifozët që ishin të jashtëzakonshëm, bashkëlojtarët fantastik, dhe mbi të gjitha familjen time. Faleminderit të gjithëve edhe njëherë”, shkroi Sadiku.

Ndryshe, situata e mbrojtësit të Helsingborgut mbetet ende e paqartë, pasi që nuk është konfirmuar nëse do t’i bashkohet Kombëtares së Shqipërisë apo do të qëndrojë te Kosova.