”Rrjeta I” legjitimon qindra persona, kapen edhe narkotikë

Gjilan – Operacioni policor në Gjilan i koduar si “Rrjeta I” ka kontrolluar në disa lokacione të ndryshme në Gjilan ku janë ndaluar e kontrolluar 43 vetura, janë legjitimuar 44 persona, neper kafiteri janë legjitimuar 460 persona derisa gjatë kontrollimit janë gjetur dhe konfiskuar dy qese substancë e dyshuar narkotike e llojit mariuhan, një boks i metaltë, tre briska dhe një thikë tha Ismet Hashani.

Ismet Hashani duke folur për planin operativ “Rrjeta I” tha se më datën 1 mars 2014, prej orës 18:00-24:00, është zbatuar Planin Operativ “Rrjeta I”. Në këtë plan janë angazhuar njësiti i Reagimit të shpejt, njësitet sektoriale, njësitet e hetimeve të stacionit policor në Gjilan.

Sipas planit ka pasur tri pika kontrolli në vende të ndryshme në qytetin e Gjilanit, ku janë ndalur dhe kontrolluar gjithsejtë 43 vetura, janë legjitimuar 44 persona, ku prej këtyre personave vetëm një person ka pasur urdhëresë nga Gjykata tha Hashani.

Hashani tha se është vazhduar në kontrollimin e lokaleve, ku janë kontrolluar gjithsej tri kafiteri, ku aty janë legjitimuar rreth 460 persona, prej këtyre me urdhëresa kanë rezultuar gjithsejtë 30 persona, me gjithsejtë 37 urdhëresa.

Hashani tha se gjatë kontrollimit janë gjetur dhe konfiskuar 2 qese substancë e dyshuar narkotike e llojit mariuhan, si dhe një cigare, ku dyshohet të jetë substancë narkotike mariuhan, një boks i metaltë, tre briska dhe një thikë.

Të gjithë personat që kanë pasur urdhëresa, janë shoqëruar në Gjykatë. Gjatë gjithë operacionit gjithçka ka qen në rregull, dhe nuk kemi pasur asnjë incident tha Hashani./rajonipress/