Rinisë nuk i takon veç e ardhmja, asaj, para së gjithash, i takon e tashmja!

Gjilan – Takim mbresëlënës me Rininë Demokratike të njërës anë të lagjes “Arbëria” në Gjilan. Hapur i diskutuam kërkesat e rinisë dhe të familjeve tona nga qeveria e ardhshme e Republikës së Kosovës dhe nga kryetari i ardhshëm i komunës.

Rinia e Arbërisë u pajtua me prioritetet e PDK për qytetarët e vendit tonë e që janë:
1. Ngritja e shpejtë ekonomike e vendit që nënkupton vende të qëndrueshme të punës dhe shpërblim meritor për qytetarët e vendit tonë e veçanërisht për rininë;
2. Sistem efikas i drejtësisë për të gjithë;
3. Shëndetësi e mirë dhe plotësisht e besueshme;
4. Edukim me vlerë të shtuar në shërbim të ekonomisë dhe të administratës së shtetit;
5. Investime të fuqishme në rini, në sport, në qendra për kulturë dhe edukim alternativ nga të gjitha fushat e jetës publike…
U zotuam bashkë që ta forcojmë besimin dhe solidaritetin mes veti dhe ideja jonë për shtet e komunë stabile t`i merr të rinjtë dhe gjithë të tjerët si orteku i madh i borës deri në fitore të plotë.
Qëllimi fisnik e në shërbim të të gjithëve i ka mposhtur përherë kundërshtarët hilegji që shtetin e kanë veç nevojë për veti.
Kjo do të ndodhë patjetër në ditët që po vijnë.
S’ka me t’ritë e komunës e të shtetit tonë.
Ju lumtë!