Rexhep Selimi: Qeveria të deklarohet për Tribunalin

Deputeti i Lëvizjes Vetëvendosje, Rexhep Selimi, ka kërkuar nga Qeveria e Kosovës të deklarohet rreh zërave për krijimin e një Tribunali për hetimin e krimeve të pretenduara të UÇK-së.

“Ende nuk e di rolin e Qeverisë sepse ajo nuk është deklaruar, e cila do të duhej të deklarohej deri më tani”, ka thënë Selimi për “Epokën e Re”.

Sipas tij, krijimi i një Tribunali, i cili i paragjykon UÇK-në, si të fajshme ose si të përfshirë në krime, nuk është drejtësi.

Ai ka thënë se Kosova ka nevojë për drejtësi që do të buronte nga brenda.

Selimi ka thënë se nuk pret themelimin e ndonjë tribunali, i cili do të jetë i fokusuar, në të ashtuquajturat krimet e UÇK-së, të bëra gjatë luftës.