Rexhep Selimi: Protesta e pashmangshme për ta rrëzuar Isa Mustafën

​Deputeti i Lëvizjes “Vetëvendosje”, Rexhep Selimi, ka thënë se për shkak se kjo Qeveri nuk ka gjasa të bindet se po vepron në dëm të vendit dhe se duhet të dorëhiqet, e vetmja mënyrë ka mbetur që përmes protestave Qeveria të detyrohet për t’u dorëhequr.

“Kështu që gjasa ka me e detyru, dhe që janë të domosdoshme protestat, siç po shihet, ato janë të pashmangshme. Duhet të jemi të vetëdijshëm që po futemi në një fazë të protestave dhe ato do të vazhdojnë deri në zgjedhjet e ardhshme”, është shprehur Selimi, per Zeri.

“Jo pse qytetarët dhe ne e duam protestën, por protesta ka mbetur zgjidhja e vetme për t’i ndalë këto të këqijat e Kosovës të cilat të vetmen valvul e kanë Qeverinë e Kosovës”, ka shtuar ai.