Revoltohet Vehid Ibrahimi: Jemi të shkelur e të injoruar nga komuna e Gjilanit

Gjilan – Vehid Ibrahimi është aktivist i kahershëm dhe njëri nga banorët e pakët që ende jeton në brezin kufitar në Muçibabë, në kushte ekstreme dhe pa asnjë përkrahje institucionale. As për festën e Bajramit komuna nuk e pa të udhës bile najë llokum me naj ofrue. Çudi se si po ndodhë ky injorim shprehet Ibrahimi.

Vehid Ibrahimi ka shpërthyer me akuza dhe kritika ndaj institucioneve komunale në festën e Bajramit të madh.” Është për tu befasuar me institucionet komunale të cilat asnjëherë nuk i kanë ndihmuar e përkrahur 15 familjet e mbetura në brezin kufitar..Edhe pse jetojmë në varfëri ekstreme këtyre familjeve as nga një llokum nuk e kanë parë të udhës tua japin. Të gjithë kryetarët e fshatrave i kanë ftuar dhe u kanë dhënë ndihma për banorët e tyre kurse neve tash e 20 vite komuna nuk ka dhënë asnjë cent. Ky dallim dhe injorim që po na bëhet është shkelje e rëndë e të drejtave të njeriut nga ana e komunës sepse ne jemi të veçantë prej të gjithë fshatrave tjera” ka shkruar Ibrahimi në rrjetet sociale.

Ibrahimi thotë se këto familje të mbetura në brezin kufitar kanë kontribuar në luftën e UÇK-së dhe të UÇPMB-së dhe vazhdimisht janë të rrezikuara nga xhandarmëria serbe siç ndodhi me arrestimin e Azem Depcës të cilin e dërguan në burg të Vrajë ka thënë Ibrahimi duke kërkuar nga komuna që të mendoj për këta banorë hallexhinj sepse bëjnë jetë të rëndë e të vështirë./rajonipress/