Rektori Gashi, pjesë e tubimeve elektorale të Thaçit

Rektori i Universitetit të Prishtinës, Ibrahim Gashi, ka marrë pjesë në një tubim elektoral të PDK-së, të mbajtur në fshatin Llapushnik të Drenasit, të hënën në mbrëmje.

Gashi është deklaruar të ketë dhënë dorëheqje nga AKR-ja e Behxhet Pacollit para se të zgjidhej në krye të UP-së, vitin e kaluar, shkruan Koha Ditore.

Por të hënën në mbrëmje ai ka qëndruar në “ballë të oxhakut”, në një odë në fshatin Llapushnik, përkrah liderit të PDK-së dhe kryeministrit Hashim Thaçi.

Në tubim kanë qenë edhe deputetët Azem Syla, Ramiz Lladrovci e Blerta Deliu.

Rektori i UP-së, Ibrahim Gashi në një prononcim për “Kohën Ditore” ka konfirmuar pjesëmarrjen e tij në këtë tubim elektoral të kryeministrit Thaçi, por është arsyetuar se këtë e ka bërë për faktin se si qytetar i Llapushnikut ka lobuar për ndërtimin e një mbikalimi në këtë lagje. /Koha Ditore/