Reisi Saqipi: Zoti na ka krijuar të jetojmë në paqe e jo në konflikte dhe luftëra

Që nga dita e parë e luftimeve në Ukrainë, përveç forcave luftarake mes të dy palëve në konflikt, ka pasur humbje në njerëz dhe në makineri, duke lënë prapa jehonën e një tmerri dhe propaganda antiqytetëruese.

Këto zhvillime nuk kanë lënë anash pa shqetësim as shtetet përreth, duke përfshirë edhe rajonin e Ballkanit.

Lidhur me këto dukuri vec propagandës luftënxitëse, në këto zhvillime, po dalin edhe zëra nga personalitete të shquara të jetës shoqërore, siç është rasti edhe me ish-Myftiun e BIPBM-se H. Nexhmedin ef. Saqipi, z/Reisi i Rijasetit të Bashkësisë Islame në Serbi, nga Lugina e Preshevës, i cili në këtë drejtim, ka thënë për Portalin Jetapress se “Zoti na ka krijuar të jetojmë në paqe e jo në konflikte dhe luftëra, ndaj sa më shpejt duhet të ndërpritet lufta dhe të fitoj paqja, dialogu dhe stabiliteti. Vendit në përgjithësi i duhet paqja dhe siguria”.

Në vazhdim z/Reisi Saqipi, fton qytetarët që të mos kenë panik në Luginë dhe rrethinë edhe kjo do të kaloj siç po kalon edhe virusi Kovidi, nuk ka nevojë të biem pre të provokimeve nga jashtë dhe nga mediat profitabile e propagandistike. Jemi dëshmitarë të luftërave të mëhershme nga pasojat e të cilave ende nuk po shërohemi, prandaj mendoj se nuk kanë shteruar akoma mjetet politike për zgjidhjen e problemeve siç ka thënë një mendimtar: “Më mirë 100 vite bisedime se dy minuta luftë”, shprehet me optimizëm z/Reisi i Rijasetit të Bashkësisë Islame në Serbi, nga Lugina e Preshevës, Nexhmedin Saqipi, njofton Jetapress.