Reagon Kushtrim Kadriu: A ka Zot shtëpie ky Gjilan….…?

Gjilan – Kushtrim Kadriu asamblist komunal ka prezantuar disa foto ku shihet papastërtia në qendër të qytetit në Gjilan. Kadriu ka shkruar dhe pyetur njëkohësisht:A ka zot shtëpie ky Gjilan ndërsa ka thënë se pamjet janë nga qendra e qytetit.

Kushtrim Kadriu gjithashtu ka shkruar edhe për ndërtimet që po bëhen në tokat bujqësore.

Postimi i plotë:
Të ndalet ndërtimi në tokat bujqësore të Gjilanit
Gjilani njihej në regjionin ton si njëra nga komunat që e kishte shumë të zhvilluar bujqësinë, dhe si rezultat i kësaj kishte edhe fabrika të cilat e merrnin lëndën e parë këtu. Pas luftës, si pasojë e moshartimit të një rregulloreje për mbrojtjen e tokave bujqësore nga komuna dhe si pasojë e shkurtpamësisë së qytetarëve, tokat bujqësore u shkatërruan duke u ndërtuar mbi to. Ky është dëmi më i madh që i është bërë Gjilanit në lëminë e ekonomisë duke e lënë Gjilanin pa bukën e tij.

Kërkoj që me urgjencë të iniciohet rregullorja për ndalimin e ndërtimit në tokat bujqësore dhe të ngritet një komision hetimor mbi disa ndërtime që janë bërë në tokat më të mira bujqësore, siç janë përgjatë rrugës Gjilan- Bujanoc.

Nëse vazhdohet kështu, do të kemi problem të sigurojmë ndonjë kilogram miell e lëre më të mbulojmë konsumin tonë. Duhet që me urgjencë të reagojmë në mënyrë që të shpëtojmë aq sa mbetur pa u shkatërruar.
Kushtrim Kadriu,
Asambleist e Lëvizjes “Vatra”