Alban, çka e ke për ngutë punën e buxhetit? A mos po ju duhen paratë për t’i punësuar balldëskat?

Gjilan – Alban Hyseni e paska quajtur Lëvizjen Vatra patericë, kur në fakt ai vet është bërë si një “Plaku Mere” me patericë. Është bërë tamam porsi një plak gërnjar i padurueshëm që veç mallkon e akuzon, ankohet e kukatë si qyqe thuhet në reagimin e Lëvizjes “Vatra”.

Ai bashkë me pak bashkëpunëtor” të tij qenka munduar t’i hedh hi syve të opinionit publik për paratë që ai s’ka ditur si ti menaxhojë dhe që i kanë mbetur suficit.
Çfarë faji kemi ne që atij i mbetën paratë e pashpenzuara.
Çfarë faji kemi ne që ai dhe asnjë nga ekipi i tij nuk dinë të bëjnë projekte?
Jo, paaftësinë dhe gabimet e tij nuk mund t’i mbulojë kuvendi dhe opozita.
Ai si kryetari i akraballëkut duhet të jap dorëheqje një orë e më parë dhe ta shpëtojë (çka mund të shpëtohet) Komunën e Gjilanit.
Ngase, ai doli të jetë një eksperiment politik i dështuar deri në detaje. Ai është shembulli më i mirë i një kryetari të keq, shembulli i një djali të ri me performancën e një plaku të rrjedhur. Ai do të merret si shembull se si një kryetar nuk duhet të jetë.
Zyra për Informim