Gjilan – Gjilani nuk ka kohë më për këtë keqqeverisje, koha është për ndëshkim të abuzuesve me paranë e taksapaguesve tanë ka shkruar Riad Rashiti kryetar i PDK-së në Gjilan.

Postimi i plotë:

Edhe RAPORTI I AUDITORIT KOMBËTAR alarmon për gjendjen e jashtëzakonshme buxhetore në komunën e Gjilanit. Të gjitha kritikat tona, të cilat i kemi bërë gjatë vitit 2024, sot u vërtetuan edhe nga raporti i Auditorit Kombëtar të Kosovës, i publikuar sot dhe i cili ka zbuluar shkelje të rënda ligjore dhe dëme milionëshe në buxhetin e Komunës së Gjilanit, përmes këtyre veprimeve:
Procedura të dyshimta në shumë tenderë
Pagesa e projekteve në kundërshtim me ligjin e buxhetit
Kontrata të projekteve pa buxhet të miratuar nga Kuvendit Komunal
Vonesa të mëdha në realizimin e punëve publike
Mungesë të raportimeve financiare
Vonesa të pagesave dhe humbje të mëdha financiare
Qindra të punësuar pa procedura të ligjshme
Shpenzime të mëdha gjyqësore

Gjilani është në gjendje alarmante, përballë një qeverisjeje të papërgjegjshme dhe të korruptuar.

Nesër, në ora 14:00, në selinë e PDK-së në Gjilan, do të mbajmë konferencë për media, ku do të shpalosim me fakte të gjitha shkeljet dhe dëmet financiare.

Gjilani nuk ka kohë më për këtë keqqeverisje, koha është për ndëshkim të abuzuesve me paranë e taksapaguesve tanë.