Ramaj: Nuk është një zgjidhje ideale por, të paktën një plan emergjent për periudhën pranverë – verë

Gjilan – Pas 18 muajsh, Komuna e Gjilanit ka nënshkruar një kontratë të përkohshme të shërbimit publik me “Eco-Higjiena”. Kjo kontratë zgjat më së shumti 5 muaj. “Të paktën kjo kontratë mundëson që 20 punëtorë të rikthehen në punë për 5 muaj, ndërsa në anën tjetër, kontrata përfshin më pak parqe dhe hapësira të gjelbra për mirëmbajtje në Gjilan, që nënkupton pastrimin e trotuareve dhe larjen e disa rrugëve 1 herë në javë, dhe mirëmbajtjen e varrezave“ është shprehur Senad Ramaj.

Ramaj tutje ka dhënë edhe disa sqarime. “Nëse parku në lagjen tuaj dhe shtrati i lumit nuk është përfshirë në mirëmbajtje, apo monumentet nuk janë mirëmbajtur në fshatin tuaj atëherë, kjo nuk është një dështim i kompanisë sonë apo të punësuarve tanë “thotë drejtori ekzekutiv Senad Ramaj, por shërbimet e tilla nuk kërkohen nga komuna.

“Në muajt e ardhshëm do të rihapet sërish një tender në të cilin shpresojmë se do të gjendet një zgjidhje afat-gjate, ku do të përfshihen të gjitha punët e domosdoshme. Nëse ju në ndërkohë keni ankesa në lidhje me gjendjen në lagjen tuaj atëherë, ju lutem i drejtoheni Drejtorit të Shërbimeve Publike, meqenëse Eco-Higjiena nuk mund të bëjë më shumë jashtë kornizës së arritur me marrëveshje, pa një urdhër-kërkesë me shkrim nga ana e komunës”ka shtuar Ramaj. /rajonipress/