Ragmi Mustafa: Kosova tash e tutje edhe zyrtarisht interesohet për Luginën e Preshevës

Preshevë – Kryetari i komunës së Preshevës Ragmi Mustafa,ka deklaruar për mjetet e informimit serb, se Rezoluta e miratuar nga parlamenti i Kosovës, është shumë e rëndësishme, njofton “Presheva Jonë”.

Mustafa ka thënë gjithashtu, se është e hera e parë që Republika e Kosovës, për herë të parë në mënyrë institucionale po merret për përmirësimin e jetës së shqiptarëve në Luginë të Preshevës.

I pari i komunës, po ashtu i ka vlerësuar si të rëndësishme kushtëzimet e Beogradit me të drejtat e shqiptarëve të Luginës së Preshevës dhe se kjo është mënyra që të kemi të drejta si të serbëve të veriut të Kosovës që janë të parapara edhe me platformën e këshilltarëve shqiptarë të tria komunave.

Mustafa gjithashtu ka theksuar si të rëndësishme edhe trysninë e faktorit ndërkombëtar që duhet t`i bëjë Beogradit sikurse që bënë për serbët e Kosovës si dhe të bënë trysni për lirimin e të burgosurve shqiptarë si dhe për pozitën e arsimimit të e shqiptarëve në hapjen e fakulteteve ne gjuhën shqipe dhe se që Kosova është shprehur e gatshme të ndihmoj në këtë drejtim, ka deklaruar pos tjerash për mjetet serbe të informimit kryetari i Preshevës Ragmi Mustafa.