Qendra Kulturore e Shkupit boton librin e shkrimtares kosovare

Libri është promovuar në Maqedoni, ngaqë Qendra Informative Kulturore e Shkupit, është edhe mbështetësja e këtij botimi, në saje të një konkursi që ata kishin shpallur vitin e kaluar për mbështetje autorëve të rinj.

E në këtë konkurs, kishte aplikuar edhe shkrimtarja nga Kosova, Rrezarta Reka, të cilën ne jemi mësuar ta lexojmë më shumë si kolumniste, e jo si shkrimtare.

“Ka kohë që shkruaj, qoftë për publikun ashtu dhe për veten. E dua shkrimin, me që të shkruarit është një medium shumë i fuqishëm jo vetëm për të shprehur mendimet, idetë dhe qëndrimet, po edhe për të prekur një numër të madh njerëzish”, ka thënë Reka (Tribuna).