Qemajl Mustafa: Entuziazmi dhe fryma e punës është kthyer dhe po rritet vazhdimisht në strukturën e degës

Gjilan – Entuziazmi dhe fryma e punës është kthyer dhe po rritet vazhdimisht në strukturën e degës anipse ende ka individë të hatëruar nga procesi zgjedhor i cili natyrshëm shkakton një lloj “traume” në trupin e cilitdo subjekt politik ka thënë Qemajl Mustafa në takim me kryetarët e nëndegëve të PDK-së në Gjilan.

Takimi i parë me kryetarët e nëndegëve të PDK-së në Gjilan, ishte takim i mirë në funksion të vendosjes së komunikimit të afërt me terrenin. Unë, në cilësinë e kryetarit të degës dhe ne si kryesi e punës në këtë seancë, i uruam kryetarët për procesin zgjedhor si tërësi dhe për zgjedhjen e tyre në krye të nëndegëve veçanërisht. I informuam kryetarët për punën që po e bëjmë në drejtim të konsolidimit organizativ, profesional dhe financiar të degës. Kryetarët u informuan për grupet e përkohshme punuese me nëndegët, për nismën rreth themelimit të komisioneve profesionale të degës dhe për kontaktet dhe pritjet e shumta që kryetari i ka patur gjatë javëve të fundit në selinë e partisë dhe në terren.

U dakorduam bashkë që grupet punuese (të dala nga përbërja e këshillit të degës), të takohemi me të gjitha kryesitë e nëndegëve veç e veç pas festës së Bajramit dhe të merremi vesh për detyrat dhe hapat konkretë në terren.

Entuziazmi dhe fryma e punës është kthyer dhe po rritet vazhdimisht në strukturën e degës anipse ende ka individë të hatëruar nga procesi zgjedhor i cili natyrshëm shkakton një lloj “traume” në trupin e cilitdo subjekt politik.

E rikonstatuam bashkë që procesi zgjedhor ishte i hapur, ishte demokratik, ishte fer dhe ishte plotësisht i rregullt e i pranuar nga ne të gjithë. Në takim u tha që PDK nuk e ka tepër asnjë anëtar, aktivist e simpatizant. Përkundrazi, na duhen edhe qindra të tjerë. Te ne tashmë është krijue ambient i mirë i punës dhe klimë e ngrohtë familjare dhe kjo garanton që në degën tonë ka hapësirë të mjaftueshme për të gjithë ata që sinqerisht duan të angazhohen për rritën, forcimin dhe fitoret e ardhshme të degës e të PDK.

Ecim drejtë konventës së PDK në Prishtinë në të cilën do të fuqizohet dukshëm PDK dhe lideri i saj Kadri Veseli. Do të fuqizohet Gjilani me përfaqësim të denjë në Këshillin drejtues dhe në Kryesinë e qendrës.

Bashkë, #dekadënere e bëjmë fituese për qytetarët e Gjilanit e të Kosovës. Ecim të vendosur e të sigurtë përparuaka shkruar Qemajl Mustafa./rajonipress/