Promovohet revista “Nositi”

Kamenicë – Me rastin e manifestimit kulturor “Flaka e Janarit 2014”, Drejtoria e Kulturës, Rinisë dhe Sportit organizoi promovimin e numrit të 10-të të revistës letrare e kulturore “Nositi”. Kjo revistë me vlerat e saja kulturore letrare e shkencore i ka kaluar kufijtë komunal u tha në referuesit.

Disa penda shkrimet e para i kanë filluar në këtë revistë e, tani më janë bërë penda të njohura në nivel më të gjerë.

Sipas redaktorit Nexhat Rexha, revistën e boton klubi letrar “Nositi” që është themeluar paraluftës më1996, ndërsa numri i parë i revistës është botuar më 2002.

Sipas tij redaksia punon në mënyrë vullnetare vetëm për të dhënë një kontribut në begatimin dhe ngritjen e çështjes kulturore në komunën tonë.

Kryetari i parë i klubit ishte shkrimtari i njohur i kësaj ane, i ndjeri Ibrahim Ibishi. Në këtë revistë shkruajnë edhe kamenicasit që janë emra në lëmit e ndryshme që nuk jetojnë në Kamenicë, si: Hysen Matoshi, Faik Shkodra, Bahtijar Kryeziu , Ganimet Klaiqi etj.

Drejtori i Institutit albanalogjik, Hysen Matoshi e bëri një analizë të gjithë numrave të revistës “Nositi” të botuar gjerë tani, duke e çmuar kontributin e redaksisë, si emrave të tjerë që kontribuojnë në begatimin e kësaj reviste që gjithnjë e më tepër, po shprehë vlera të njëmenda. “Unë botoj punime në shumë revista të njohura, brenda dhe jashtë vendit, por kur i botoj në revistën e komunës sime kam një ndjenjë të veçantë” u shprehë Matoshi.

Sylejman Morina ndër tjerash tha se Kamenica e meriton një revistë të tillë, sepse ka potenciale intelektuale këtu brenda, si edhe të tjerë që jetojnë jashtë komunës sonë, e që duan të kontribuojnë në këtë revistë .

Po ashtu, për nderë të “Flakës së janarit 2014” është bërë edhe hapja e ekspozitës me fotografi (eksponate kulturore – historike)./rajonipress/