Prokuroria Themelore në Gjilan ngre shtatë aktakuza ndaj tetë personave brenda 24 orëve

Gjilan – Prokuroria Themelore në Gjilan ka njoftuar se gjatë 24 orëve të fundit ka ngritur shtatë (7) aktakuza kundër tetë (8) personave për vepra të ndryshme penale.

Sipas njoftimit zyrtar, dy (2) aktakuza janë ngritur kundër dy (2) personave për veprën penale “Rrezikimi i trafikut publik”.
Një (1) aktakuzë është ngritur kundër dy (2) personave për veprat penale “Sulmi” dhe “Lëndimi i lehtë trupor”.

Po ashtu, nga një (1) aktakuzë është ngritur ndaj një (1) personi për këto vepra penale: “Kontrabandimi me mallra”, “Kanosja”, “Ndërtimi pa leje” dhe “Vjedhja e shërbimeve”.
Prokuroria ka bërë të ditur se do të vazhdojë me trajtimin e rasteve në përputhje me kompetencat ligjore, me qëllim të forcimit të rendit dhe ligjshmërisë./rajonipress/