Prokuroria në Gjilan ndalon një person dhe ngre tri aktakuza për vepra të ndryshme penale

Gjilan – Prokuroria Themelore në Gjilan ka bërë të ditur se gjatë 24 orëve të fundit ka ndaluar një person dhe ka ngritur tri aktakuza ndaj tre personave të ndryshëm për vepra të ndryshme penale.

Sipas njoftimit të prokurorisë, me urdhër të prokurorit kujdestar është ndaluar një person për 48 orë, nën dyshimin se ka kryer veprën penale “Lëndimi i lehtë trupor”.

Ndërkohë, prokuroria ka ngritur edhe tri aktakuza ndaj tre personave për vepra të ndryshme penale. Një aktakuzë është ngritur për veprën penale “Vjedhja e shërbimeve”, një tjetër për veprën penale “Vjedhja e rëndë”, ndërsa aktakuza e tretë është ngritur për veprën penale “Sulmi”.

Prokuroria Themelore në Gjilan ka bërë të ditur se do të vazhdojë të ndërmarrë veprime ligjore në përputhje me kompetencat e saj, me qëllim të ndjekjes dhe parandalimit të veprave penale./rajonipress/