Presidentja inicion ligj për falje

Presidentja Atifete Jajhaga me anë të një iniciative për hartimin e projektligjit të ri për falje, po synon që të forcojë kriteret në të cilat kreu i shtetit në bazë të Kushtetutës vendos për faljen e personave të cilët vuajnë dënime me burg. Nisma e presidentes për të hartuar ligj, është e para e këtij lloji që nga marrja e detyrës në prill të vitit 2011.

Këtë, ajo e ka bërë duke e shfrytëzuar edhe një të drejtë kushtetuese që ka presidenti i shtetit.

Ndonëse për faljen ekziston një ligj dhe një rregullore e brendshme e Presidencës, shefja e shtetit po synon që me ligjin e ri t’i ngërthejë në vete elementet e të dyja dokumenteve që janë në fuqi.

Këshilltari ligjor i presidentes, Selim Selimi, ka bërë të ditur për Tribunën se presidentja e ka nënshkruar vendimin për formimin e një grupi punues i cili do të merret me hartimin e projektligjit…(Tribuna).