Policia ndalon tre shtetas nga Serbia, kishin hyrë ilegalisht nga Serbia në Kosovë

Gjilan – Në rrugën Stublinë – Doberqan, në Gjilan policia ka ndaluar automjetin me targa (BG), në të cilin gjendeshin tre të dyshuar meshkuj shtetas të Serbisë, të cilët dyshohet se kanë kaluar ilegalisht kufirin Serbi – Republika e Kosovës.

Gjatë kontrollit te të njëjtit është konstatuar – vërejtur se me vete kishin një shumë parash: 23.150 € dhe 3000 dinar.

Pas intervistimit me vendim të prokurorit, të dyshuarit janë liruar në procedurë të rregullt njoftoi policia e Kosovës./rajonipress/