Polici i shpëton jetën një personi

Një rast tentim vetëvrasje ka ndodhur sot pasdite në Drenas. Një 29-vjeçar, ka tentuar të hidhet nga kati i shtatë i një ndërtese të pabanuar, por falë shkathtësive të pjesëtarëve të Policisë së Kosovës, i njëjti është kapur pa e kryer aktin e vetëvrasjes.

Pjesëtarit të Policisë së Kosovës, Naim Krasniqi, i është dashur disa minuta kohë për të biseduar me të riun që mos të hidhet nga ndërtesa.

Falë punës së hetuesit policor nga stacioni në Drenas, i riu është kapur pa u lënduar.

Ende nuk dihen motivet që quan të riun të tentoj të kryej vetëvrasje, por i njëjti në momentin e kapjes nga policia ishte në depresion të thellë.

Ai fillimisht është dërguar në Shtëpinë e Shëndetit në Drenas, ku pastaj është përcjellë për në Qendrën Klinike Universitare të Kosovës./Indeksonline/