Plagosje në Gjilan, të dyshuarit në arrati

Gjilan – Policia ka pranuar një informatë lidhur me një incident gjuajtje me armë zjarri. Në bazë të informacioneve të grumbulluara nga tereni dyshohet se i dyshuari O. P. është personi që ka shtënë me armë zjarri duke plagosur viktimën Shqiptar shtetas i Kosovës që besohet të kenë lidhje familjare mes vete, në incident besohet të jenë të involvuar edhe tre të dyshuarit të tjerë si bashkëkryerës të veprës penale “Vrasje në tentativë”njoftoj policia e Gjilanit.

Ismet Hashani zëdhënës i policisë tha se është bërë ekzaminimi i vendit të ngjarjes dhe janë marrë të gjitha dëshmitë relevante. Ekipet të patrullës dhe NJHR-së kanë ndërmarrë veprime shtesë hetimore gjegjësisht është kryer bastisja e shtëpisë dhe objekteve përcjellëse pronë e të dyshuarit, i cili nuk është gjetur në shtëpi, raporton rajonipress.

Gjatë bastisjes është gjetur dhe konfiskuar një pistoletë. Viktima Enver Gashi. 1969, i lënduar si pasoj e gjuajtjes me armë zjarri me urgjencë është dërguar në spitalin rajonal në Gjilan dhe sipas raportit të mjekut gjendet jashtë rrezikut për jetë.

Për momentin nuk dihen motivet e incidentit. Në vazhdim me autorizim të Prokurorit do të zhvillohen procedura të më tejme hetimore deri në zbardhjen e plotë të gjendjes faktike të këtij incidenti dhe arrestimit të të dyshuarve të cilët janë në kërkim të njohur për policinë./rajonipress/