Përkujtim me shkas, në katër vjetorin e vdekjes së policit dhe hetuesit Vebi Rama

Gjilan – Po e ribotojmë me shkak shkrimin që mbanë datën 12 mars 2015, ditë kjo kur u nda nga jeta polici dhe hetuesi shembullor Vebi Rama nga Llashtica e Gjilanit. Shkrimi për vdekjen e policit pothuajse më profesionist në Kosovë është lexuar dhe klikuar qindra e mijëra herë duke mos përjashtuar këtu as komentet pozitive. Sa është aktuale tani të kemi hetues sikurse kalibri i Vebi Ramës, një njeri me kredibilitet të lartë profesional e njerëzor, një njeri i pajisur me dije dhe guxim, një profil i një polici atdhetar e kombëtar, një hetues që nuk e ka ditur frikën e as shantazhin. Profili i Vebi Ramës i mungon si asnjëherë më shumë Kosovës dhe policisë. Vebih Rama aty ku ka hetuar dhe nuhatur ka qenë amin sepse e ka njohur punën, kurse sot fatkeqësisht shumë gabime bëhen qysh në start nga zyrat e hetuesve.

Vebi Rama edhe pas katër vitesh nga ndarja është aktual dhe flitet e përflitet me pietet për kontributin e madh që ka dhënë në policinë kosovare. Vebih Rama ka lënë gjurmë prej një profesionisti të spikatur, ka lënë përvojën e tij të artë dhe në veçanti e ka lënë në trashëgimi respektin dhe përgjegjësinë që ka treguar ndaj punës.

Vebi Rama ka lënë gjurmë edhe në stilin e të bërit pyetje ose marrjes së një deklarate profesionale. Ai ka pasur një strategji dhe sistem efikas në nuhatjen e hetimeve. I aftë në njohjen e financave dhe me shumë autoritet në shoqëri.

Sa do ishte i dobishëm tani profili dhe kalibri i Vebih Ramës. Vërtet një humbje e madhe dhe një mungesë ekstreme e Vebih Ramës në policinë e Kosovës. Vebiu meriton të kujtohet e përkujtohet gjithmonë nga kolegët e tij sepse ai ua ka lënë mësimin dhe përvojën e pasur./rajonipress/

Lexojeni shkrimin e datës 12 mars 2015

Ndahet nga jeta polici Vebi Rama, ndër policët më profesionist në Kosovë

13:04, 12 Mars, 2015

Ndahet nga jeta polici Vebi Rama, ndër policët më profesionist në Kosovë

Gjilan – Pas një sëmundje të shkurtër të enjten është ndarë nga jeta polici Vebi Rama(1961) nga Llashtica e Gjilanit. Vebi Rama ka punuar në disa sektor të rëndësishëm në policinë e Kosovës ndërsa së fundit ai ishte në njësitin kundër krimeve ekonomike. Profesionalizmi i tij i lartë dhe përkushtimi në punë kanë bërë që ai të njihet dhe mbetet si njëri nga policët më të mirë që ka pasur Kosova.

Vebi Rama nga Llashtica e Gjilanit i angazhuar që nga fillimi në Policinë e Kosovës është ndarë nga jeta këtë të enjte pas një sëmundje të shkurtër.
Rama i lindur më 08.03.1961 ishte inkuadruar në policinë e Kosovës si gjenerata e njëmbëdhjetë e Policisë së Kosovës. Padyshim që me punën e tij tejet profesionale, me përkushtimin e tij tejet të sinqertë, ka bërë që të njihet dhe respektohet si polici ndoshta më i mirë në Kosovë.

Vebi Rama ishte student i 10 dhe ishte i dalluar, i edukuar e i kulturuar edhe në jetën private e shoqërore. Por inkuadrimi i tij në Policinë e Kosovës e bënë edhe më të veçantë karakterin tij tepër njerëzor.

Ismet Hashani zëdhënës i policisë rajonale në Gjilan kujton kolegun tij dhe ka vetëm fjalë të mira. “Jo vetëm unë por çdo policë në Kosovë që ka dëgjuar sot për këtë lajm ndihet i trishtuar. Vebiu na iku i ri sepse ai ka dhënë shumë për policinë e Kosovës. Fal aftësive dhe vlerave të larta njerëzore dhe morale që ka gëzuar në mesin e kolegëve dhe kolektivit ka bërë që ne sot të ndjehemi thellë të pikëlluar. Veprimtarin në Policinë e Kosovës e filloi duke qen polic i gjeneratës së njëmbëdhjete ku punoi në disa njësite me rendësi” kujton Hashani.

Hashani tha se viteve të fundit i ndjeri ka punuar dhe vepruar në njësitin Kundër Krimeve Ekonomike duke dëshmuar një profesionalizëm dhe përkushtim të pa shoq në punën e tij.
Policia e Kosovës, shokët dhe kolegët mbeten me zemra të thyera, përgjithmonë do të çmohet puna dhe përkushtimi i tij tha toger Ismet Hashani./rajonipress/