Përkrahje masive nga qytetar e aktivistë për kthimin e Qemajl Mustafës

Gjilan – Jo vetëm aktivistë të shumtë të PDK-së, por edhe qytetar nga të gjitha shtresat në Gjilan kërkojnë kthimin e Qemajl Mustafës në Gjilan në krye të PDK-së. Qemajl Mustafa në sytë e aktivistëve dhe përkrahësve të tij shihet si figura e vetme që mund ta nxjerr nga kriza PDK e cila ka vite që e ka humbur autoritetin në Gjilan.

“Po vjen kryetari”, “Mirë se vjen kryetar” këto janë postimet e shumta që mund të hasësh nga aktivist të PDK-së, por edhe nga qytetar të shumtë të cilët të zhgënjyer në qeverisen aktuale kërkojnë kthimin e ish kreut të Gjilanit Qemajl Mustafa.

Prania e Qemajl Mustafës në pritjen e fundit të Kadri Veselit tek dega e PDK-së në Gjilan u kuptuat si gatishmëri e tij, për të udhëhequr me degën e PDK-së në Gjilan. “Me intelektualin e dëshmuar! Me liderin e vërtetë! Me kryetarin e ardhshëm të PDK-së dhe Gjilanit” është njëra nga postimet e shumta në rrjetet sociale.

Mejdi Selmani një aktivist i kahershëm i PDK-së dhe mbështetës i Qemajl Mustafës ka shkruar:”Fitorja e madhe u nis”, derisa shihet në një tavolinë me Qemajl Mustafën.

Por shkrime dhe kërkesa të tilla në favor të Qemajl Mustafës vërehen kudo. Kjo erdhi si rezultat i pasivizimit të PDK-së në Gjilan për një kohë të gjatë.

PDK e Gjilanit pothuajse e kishte humbur komplet autoritetin e dikurshëm, duke u treguar pasive edhe ndaj shumë zhvillimeve në qytetin e Gjilanit. Grupet, klanet e caktuara dhe individ ishin përfitues të kësaj periudhe të heshtur, duke i lënë anash interesat e qytetarëve dhe të aktivistëve të PDK-së./rajonipress/