Përfundon manifestimi tradicional “ Lulëkuqet e Prillit”

Gjilan – Manifestimi “ Lulëkuqet e Prillit” 2013 , u përmbyll me një orë letrare dhe me shpalljen e rezultateve të konkursit letrar, festivalit të teatrove dhe mbrëmjes së rapsodëve.

Punimet e konkursit letrar 2013 , i vlerësoi , juria në këtë përbërje: Hysen Matoshi, Sinan Sadiku, përfaqësues i Klubit Letrar “ Nositi “ dhe Azemine Maliqi , koordinatore e kulturës.

Sipas vlerësimit të jurisë , në konkursin letrar 2013 u shpërblyen këto poezi : Vendi i parë i takoi poezisë “Kur ëndërroja” me shifrën “Dielli”, vendi i dytë poezisë “Çabra” me shifrën “Ibri”, ndërsa vendi i tretë poezisë “Bota” me shifrën “Vargje në udhëkryq”.

Shpërblimet në prozë : Vendi i parë i ndahet prozës “Nga ditari i Bardhit” me shifrën “Bardhi”, vendi i dytë prozës “Alkimia e këpucëve në kthinën 418” me shifrën “Këpucët në kthinë”, ndërsa vendi i tretë prozës “Gjithçka është metaforë” me shifrën “Laus Deo”.

Vlerësimin e teatrove e ka bërë juria në këtë përbërje : Kenan Gurgurovci aktor profesional , Sami Bunjaku , aktor profesional , Ardian Dërmaku , poashtu , aktor profesional , Juria ka vlerësuar në këtë mënyrë: Vendi i parë – i takoi Teatrit nga Suhareka ,me komedinë “ Studentat “, Vendi i dytё – i takoi Teatrit “ Naser Kodra” nga Skenderaj , Vendi i tretё – i takoi Teatrit nga Lipjani , me komedinë “ Buna” .

Çmimi i Publikut – i takoi Teatrit “ Aleksander Moisiu” nga Kamenica .

Aktorja më e mirë e festivalit , Shyrete Demolli , aktore e teatrit “ Aleksander Moisiu”

Aktori më i mirë i festivalit, Xhemail Luta , aktor i Teatrit të të Rinjve nga Prishtina

Në Mbrëmjen e Rapsodëve Këngët konkurruese i vlerësoi Juria e përbërë prej tre anëtarësh: Sami Piraj, kompozitor, përfaqësues i Ministrisë së Kulturës , Nazim Maliqi, përgjegjës për kulturë dhe Hetem Matoshi, njohës i mirë i folklorit.

Vendin e parë – Jeton Fetiu dhe Maliq Demolli me këngën:“ Prej zemanit”
Vendin e dytë – Gani Demolli dhe Xhevdet Krasniqi me këngën “ Osman Daka “
Vendin e tretë – Trioja; Ardian Shabani, Bujar Korça dhe Enver Tahiri
Çmimi i publikut – Grupi “ Shpëtimi” nga Medvegja
Veterani i mbrëmjes – Kadri Abazi nga Medvegja
Dueti i mbrëmjes – Vllezërit Maroca
Veshja mё autentike – Grupi “ Shpëtimi” nga Medvegja
Teksti mё i mirë – “ Këngë për Rahim Beqirin “, Elvir Tahiri./rajonipress/