Performancë zvicerane për Kosovën

Premiera do të jepet më 29 gusht në kuadrin e Festivalit të teatrove “Zurcher Theater Spektakel” në Rote Fabrik, Cyrih.

Ne, në Evropën Perëndimore interesohemi fare pak ose aspak për Kosovën”. Kështu mendojnë regjisoret dhe aktoret, zvicerania Beatrice Fleischlin dhe gjermania Antje Schup, të cilat për të sfiduar këtë gjendje kane udhëtuar në Kosovë dhe kanë realizuar një projekt teatror me temën e përjashtimit, diferencimit.

Secila me këndvështrimin qëllimisht naiv europerëdimor, ato kanë vëzhguar zhvillimet komplekse politike dhe sociale në krijesën e re shtetërore. Pastaj, përshtypjet e tyre, përjetimet dhe përvojat i kanë përpunuar artistikisht në performancën që e kanë realizuar së bashku me artistin e perfomancave Astrit Ismaili dhe valltarin Labinot Rexhepi, të dy nga Kosova.

Por, performanca “Love.State.Love” nuk pasqyron vetëm këndvështrimet personale mbi Kosovën të katër artistëve. Ajo tematizon, me një “shkelje syri” vënien dhe kalimin e kufijve në kuadër të bashkëpunimit artistik.

Në këtë shfaqje flitet gjermanisht, anglisht, shqip, schweizerdeutsch me titrim në gjuhën gjermane.

Premiera do të jepet më 29 gusht në kuadrin e Festivalit të teatrove “Zurcher Theater Spektakel” në Rote Fabrik, Aktions Halle, Cyrih, duke filluar në orën 21.00

Dy reprizat jepen më 30 dhe 31 gusht në të njëjtën kohë dhe vend./albinfo/