Për 3 vite PTK ia ka bërë “bakshish” Z Mobile plot 3 milion euro

PTK deri më tash i ka paguar “Monaco Telekom”, më shumë se 3 milionë euro për 200 mijë numra që i ka shfrytëzuar operatori virtual “Z Mobile”. Paratë vazhdojnë të paguhen nga Vala në emër të shfrytëzimit të kodit shtetëror +377.

Çështja e numrave që ka në shfrytëzim Z Mobile pronë e Devolli Group, nuk është paraparë në kontratën midis palëve dhe për shkak pavarësisht se kompania publike deri më tash ka humb hiç më pak se 3 milionë, shkruan Zëri.

Për çdo numër me të cilët bën biznes operatori virtual, kompania publike Vala paguan rreth 50 cent në muaj në Monaco Telekom, me ç’rast pagesa mujore për 200 mijë numra të Z Mobile arrin rreth 100 mijë euro, apo 3 milionë euro për tri vite sa ka që ky operator është në tregun kosovarë.