Pensionohet Sadri Arifi, shembull i përkushtimit, korrektësisë dhe profesionalizmit

Gjilan – Sot, pas një pune shumëvjeçare me ndjenja të përziera respekti dhe mirënjohjeje, përcollëm në pension një njeri të veçantë z. Sadri Arifi, Sekretarin e Kuvendit Komunal, mikun dhe bashkëpunëtorin tim të çmuar. Gjatë gjithë viteve të punës së tij, z. Arifi u tregua shembull i përkushtimit, korrektësisë dhe profesionalizmit. Me fjalë të urta, me qasje të matur dhe gjithmonë i gatshëm për të ndihmuar, ai e ka lënë gjurmën e tij jo vetëm në institucionin e Komunës, por edhe në zemrat e të gjithë atyre që patën fatin ta njohin e të punojnë me të. Për mua personalisht, ai ka qenë më shumë se koleg ka qenë mik i vërtetë, këshilltar dhe bashkudhëtar në punë të përditshme ka shkruar Bujar Nevzati shef i grupit të këshilltarëve të PDK-së.

Postimi i plotë:

Në emrin tim dhe të gjithë kolegëve, i uroj z. Sadri Arifit shëndet të mirë, jetë të gjatë dhe ditë të mbushura me gëzim pranë familjes e të afërmve.
Puna e tij do të kujtohet gjithmonë me respekt!

Shefi i grupit të këshilltarëve të PDK-së:
Bujar Nevzati.