Pazari i pasdites

Gjilani ende nuk e ka ndërruar Ditën e Pazarit
E shtunja i ka mbetur jadec

Prej që i ndërrohen fletët kalendarit
Të parët vijnë ata që sheshin

Pak më vonë dalin sehirxhijtë
Blerësit si rëndom vonohen

Sheherlijtë e ruajnë pasditen
Kohën kur lodhen shitësit

Dhe sehirxhijtë i nisin këmbët prej shtëpie
Prej që hynë në hisen e së shtunës edhe partitë

Nuk po dihet më kush shet e kush blenë
Komunarët e kanë pushim
Auditi nuk punon

Pazari i pasditës na e lë bërllogun te dera
Ditës së dielë i vjen era
Sa larg e hënja për alergjikët

Nga Sabit Rrustemi