Patrioti – Gushëpëllumbi (Parodi)
RajoniPress
12:44, 26 Janar, 2014
Patrioti – gushëpëllumbi ,
Rrinë gjithë natën s’e merr gjumi !
Me syçelë thurë ca ëndërrime –
Si t’i ndërrojë ca toponime ?!
Toponimet shekullore –
Për t’i ndërrua i shkojnë për dore !
Si xherahu net për net –
Toponimet i bënë synet !
Përsheshë tambël në gjyveç –
Tugjecin e bënë Tygjec !
Bluan kafe me dollap –
Gollakun e bënë Gallap !
Me pehar po pinë rasoj –
Bënë Gollakun – Galabroj !
Galabroj e Galabri –
Ta qet gazin bri me bri !
E zënë gjumi me një anë –
Novo Bërdën e bënë Artanë !
Kamenicën e bënë Dardanë ,
Rogoçicën e bënë Roganë !…
Toponimet i bënë mishmash –
Kamenicën e bënë Gurash !
Toponimet i bënë përshesh –
Dobërçanin e bënë Miresh !…
Demir Krasniqi. Gjilan, më 26.01.2014.
