Patentë e dyshuar si e falsifikuar dhe dru pa dokumente, ndalohet shtetasi serb në Kamenicë

Kamenicë – Një shtetas i Serbisë është ndaluar nga Policia e Kosovës në Kamenicë më 1 mars 2026, rreth orës 12:40, nën dyshimin për posedim të dokumentit të falsifikuar dhe transport ilegal të lëndës drunore.

Sipas raportit policor, automjeti me rimorkio dhe me tabela të huaja, i drejtuar nga i dyshuari, është ndaluar për kontroll rutinë. Gjatë verifikimit, është konstatuar se leja e vozitjes (patenta e shoferit) dyshohet të jetë e falsifikuar. Po ashtu, në rimorkio është gjetur rreth një metër kub dru pa dokumente përcjellëse përkatëse.

Me vendim të prokurorit, i dyshuari është intervistuar dhe më pas është liruar në procedurë të rregullt, ndërsa masa drunore është konfiskuar dhe dërguar në Agjencia Pyjore e Kosovës për procedura të mëtejme njoftoi policia e Kamenicës./rajonipress/