Parashikimi i motit për sot në Kosovë

Sot në Kosovë parashihet të mbajë mot me vranësira dhe intervale kohore me diell. Temperaturat do të shënojnë ulje, por jo aq të theksuara, ndërsa mund të ketë ndonjë reshje të dobët atmosferike. Minimalja 4 gradë Celsius, ndërsa maksimalja parashihet deri në 15 gradë Celsius.

Në Shqipëri, Maqedoninë e Veriut, Luginë të Preshevës dhe Mal të Zi të dielën parashihet të mbajë mot me diell dhe vranësira lokale dhe rrallë me ndonjë rigë të dobët shiu ose ndonjë fjollë e dobët bore në disa male.

Në shumë pjesë nuk pritet ndonjë ndryshim i motit, por në Kosovë dhe viset kodrinore-malore në rajon do të ketë shtim kalimtar të vranësirave.