Parashikimi i motit për këtë të dielë

Sot në Kosovë na pret mot kryesisht me diell dhe stabil. Mëngjesi do të jetë shumë i ftohtë dhe me acar e mundësi për mjegull e në disa zona edhe vranësira të ulëta.

Temperaturat minimale nga -1 deri në -6 gradë Celsius. Dita me rritje të temperaturave deri në 6 apo 7 gradë Celsius.

Në Shqipëri, Maqedoninë Veriore, Luginë të Preshevës dhe Mal të Zi sot pritet të mbajë mot kryesisht me diell, pas një mëngjesi mjaft të ftohtë dhe me mjegull nëpër shumë lugina dhe ultësira.

Temperaturat ditore në rritje për shkak stabilitetit të atmosferës. Vranësira do të ketë përreth zonave malore.

Ditëve të ardhshme do të fillojë depërtimi i ajrit më të ngrohtë me origjinë nga Mesdheu. Temperaturat do të shënojnë rritje të ndjeshme, por mëngjeset mbesin të ftohta dhe vendvende me mjegull apo edhe mundësi për vranësira të ulëta.

Ditët gjithnjë e më të ngrohta dhe me pak vranësira./MeteoBallkan