Presidenti i AKR-së, Behgjet Pacolli, e ka vlerësuar lartë aktin e dorëheqjes së ish-anëtarit të partisë së tij, rektorit të UP-së, Ibrahim Gashi.
Pacolli, përmes rrjetit social Facebook, ka thënë se dorëheqja e tij duhet të shërbejë si pikënisje për një hetim sa më të shpejtë të gjithë profesorëve në UP, “dhe të mos ngelet Gashi kurban i aferave të jashtëligjshme në këtë institucion të rëndësishëm”.
“Dorëheqja e z.Gashi ka qenë e nevojshme pas zhvillimeve dramatike që ndodhën para rektoratit të UP ndërsa, është për keqardhje çdo tendencë manipulimi të studentëve nga individë kushdo qofshin ata për qëllime krejtësisht private”, ka theksuar Pacolli.
Ndryshe, rektori i Universitetit të Prishtinës, Ibrahim Gashi, ka dhënë dorëheqje mbrëmë pas protestave të vazhdueshme nga grupe studentësh, të përkrahur edhe nga shoqëria civile.
