Pa marrëveshje për riformatimin e Qeverisë

Takimi në mes të kryetarit të PDK-së dhe njëherit edhe kryeministrit të Kosovës Hashim Thaçi me kryetarin e AKR-së dhe zv/kryeministrin Behgjet Pacolli ka përfunduar.

Burimet e portalit Indeksonline kanë thënë se Pacoli i ka dhënë edhe më shumë kohë PDK-së dhe Hashim Thaçit, diku afër 10 ditë, për riformatimin e Qeverisë.

Sipas këtij portali, ajo që është diskutuar është se brenda 10 ditëve të ardhshme të diskutohen modalitetet e këtij formatimi.

Thaçi dhe Pacolli takohen për koalicionin

Kryeministri i Kosovës Hashim Thaçi dhe partneri i tij qeverisës, Behgjet Pacolli kanë filluar një takim në villen e Pacollit për riformulimin e koalicionit qeverisës.

Sipas portalit Indeksonline, në këtë takim po marrin pjesë edhe Kadri Veseli, Vlora Çitaku dhe Hajredin Kuqi nga ana e PDK-së, ndërsa prej AKR-së përpos Behgjet Pacollit, është edhe nënkryetarja Mimoza Kusari – Lila.

Arsyeja e takimit te këtyre dy palëve është biseda rreth ndryshimeve të Qeverisë.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).