Nuk ndalen mediat serbe: Shqipëria do ta udhëheqë Ballkanin

​Gazeta e përditshme serbe “Vjesti” ka shkruar atë që edhemedia të tjera të Serbisë e kanë shkruar kohë më parë.
Media në fjalë shkruan se Shqipëria është një nga vendet e pozicionuara më mirë në Ballkan.

“Vjesti” thekson se Shqipëria ndihmohet nga aleatet e saj të ngushtë perëndimor, si SHBA-ja, NATO dhe BE-ja.

Në shkrimin analitik të së përditshmes serbe thuhet se Shqipëria përfiton ekonomikisht mbi 400 milionë euro në tre vite nga projekti TAP dhe se pas këtij projekti qëndron SHBA-ja.

Më tej, theksohet se si një aleate e ngushtë e Uashintonit, Tirana pritet që së shpejti të nisë bisedimet edhe për në BE, duke përfituar kështu në ndërtim rrugësh, aeroportesh dhe në investime të tjera infrastrukturore.