NPL “Tregu” në Gjilan nis gjelbërimin e hapësirave me mbjelljen e bimëve dekorative

Gjilan – Ndërmarrja Publike Lokale NPL Tregu Sh.A. në Gjilan ka nisur ditën me një aktivitet simbolik dhe të dobishëm për mjedisin, duke filluar mbjelljen e bimëve dekorative brenda hapësirave të saj.

Ekipet e mirëmbajtjes së ndërmarrjes kanë ndërmarrë këtë aksion me synim gjelbërimin dhe përmirësimin e ambientit të brendshëm të ndërmarrjes, duke krijuar një hapësirë më të rregullt, më të bukur dhe më miqësore për punonjësit dhe qytetarët që frekuentojnë tregun.

Nga drejtuesit e ndërmarrjes bëhet e ditur se ky aktivitet është pjesë e përpjekjeve të vazhdueshme për mirëmbajtjen dhe përmirësimin e infrastrukturës dhe mjedisit përreth tregut, duke i dhënë më shumë rëndësi estetikës dhe hapësirave të gjelbra.

Aksioni për mbjelljen e bimëve dekorative pritet të vazhdojë edhe në ditët në vijim, me qëllim që hapësirat e NPL Tregu Sh.A. të marrin një pamje më të gjelbër dhe më tërheqëse për të gjithë qytetarët e Gjilan./rajonipress/